Yeremia 20:7-9; Salm 63:2.3-4.5-6.8-9 (R.2ab); Mbaromanu 12:1-2; Mateu 16:21-27.

TINE LOHO: TOO TERANKON WOU SE DONDO SHA YESU

Angbianev mba doom Mo Shima ken Yesu Kristu, msugh ne.

Nyian Eklesia u tseaghan u katoliko ngu wan se cii kwagh Sha kwagh u ilu hange hange u se cii se too terankon wase wase se dondo Sha Yesu yo. Aluer se mba henen ken asema ase er u eren Aondo Tom icham ngi ga yo se mba tsuung ayol ase. Shi se lu ken mlu u yough yough tseegh yo Ka Mimi ga. Aluer se mba a mhen u Yan icham ga Sha Chi u se mba dondon Aondo Shin se mba Zan adua yo Ka Mimi ga, yange se vaa afanyo er Ka profeti Yeremia man Peteru Nahan. Aluer se Na jighjigh hen Aondo a Shima imom yo, Tom eren wase u a na se nyiman ayol, kwagh u Na Saar se.

Ken kwaghoron u hiihii la, profeti Yeremia ya ilaha, mtsule u Sha icham, ise unn, ita un azer Sha Chiu upasen Mimi Shi hiden a ior hen Aondo.  Kwagh u yange er yeremia tsegh tsegh la ngu eren a vese hen kor wase hen kor wase u hegen ne kpaa. Aluer se ngema ashe se nenge yo ior kpishi mba ve tile u pasen loho u dedoo Sha Mimi mba nengen ve ityokyav ga, Ka I na ve Atsam, tar u laha ve, u se ve kpaa. Er aza a dang a nger Shin tar yo, mba eren afer ngohol igyato, anyie, wuan ior, ve nger Yun yo, we u kaa we u tese Pera Pera Sha mlu u Aondo man umache mbangenegh Ka veer soo kwagh wou ga, je ve Keren gbenda u wuan we a wua kpaa.

Mayange je Yeremia rumun u ungwan ato ga, Sha Myer u ilu yeen un ken ishima yo. Ka Nahan ve orjighjigh Paulu aposol ken kwaghoron U SHA U har la akaa avese er, se se de luun sha mlu u taregh ga kpaa se se ngema asema ahingir her Sha kwagh u Ter. se se kav icham I igba hange hange u se ya sha Chi u iti I KRISTU yo.

Ken loho u dedoo u nyian u se ungwa ne Yesu or MBAHENEN nav kwagh Sha kwagh u ichan I gba u una ya hange hange yo, Peteru Venda a Yesu kpase je….   YESU too shie Sha u pasen MBAHENEN nav hange hange u yaan icham cii ve nyoron ken I engen yo. Sha ayange ase ahengen ne yo umache soo u yaan icham ga Sam sam, man a gema a soo u zuan a mkpeiyol. Ka Nahan angbianev asev ve nyor iyol ken ‘DHO’ u gbidyen ye. U zuan a inyaregh ki Sha usu.

YESU wa MBAHENEN nav kwagh Sha kwagh u ichan I vea zua amin Sha Chi u pasen loho u dedoo, kpa ve de gbaan wer  undun Tom u pasen loho ne  Sha Chiu u mbamtaver ga.  Akaa er kanyi ijar or nena zua amin aluer Nan zua atar cii man Uma unan Una Saar Nan ishe. Mateu 16:25-26

Se mbangenegh yo Ka I sar se u pasen loho u dedoo ne kpa se Chian ityuhanev hen ior, ilaha, igbidiv, se mba rumun u toon terankon dondon Sha Yesu ga. Aluer Yesu iyol Na kpa ilaha, atuha un, I wa un aie yol yo, Mo mngu nyi? Terankon wou u de yuhan we ganden we ga, wa ishima. Se mbangenegh se mba nongon tsung kpa se mba nongon u geman terankon ne taan kera. Wa ishima.

Aondo Una rumun yo ana se cii Gratia u toon terankon wase dondon Sha ana ken iti I KRISTU Tor wase Amen

Rev. Fr. Albert Torsar Bito CM.

St Kizito’s Parish kuje Abuja Archdiocese

LAHADI U SHA IKYUNDU KAR UHAR KEN SHIE U GBILINIGH INYOM I “A” (30/08/2020)

Leave a Reply

Your email address will not be published. Required fields are marked *