LAHADI U SHA PUETAANKARUNYIIN KEN SHIE U GBILINIGH INYOM I “A” (9/8/2020)

Akaaoron: Utor u hiihii 19:9a.11-13a; Salm 85:8ab&9.10-11.12-13 (R.7); Mbaromanu 9:1-5; Mateu 14:22-33

 

ITINE LOHO: SE KER NEN ISHIGH KI TER

Angbianev mba doom Mo Shima ken Yesu Kristu. Nyian kpaa, Eklesia u tseaghan u katoliko ngu wan se kwagh Nahan er, se ker ishigh ki Ter ken mlu u luee.

 

Aluer se time ken ijime i  kwaghoron u hiihii ken takerada u Utor u hiihii 16:30 Ahaba Wan u Omeri er kwaghbo Sha ishigh ki Ter, Shi aza er Yesebel Shi a chivir aondo u Baal. Er profeti Eliya  swamen ityav a u profeti mba Baal 450 (Utor u hiihii 19:2) man hemba ve wua ve yo kwagh ne lu kwagh u vihin Yesebel je zua ga Nahan agba Keren profeti Eliya a ku.

 

Nahan man profeti Eliya gba yevese ishigh ki Yesebel Sha er alu Keren gbenda u wua profeti Eliya yo. Kasev mbangenegh mba ija er Ka Yesebel Nahan, ve gema noghol vev asema mba eren Sha ishima ve, aluer angbianev mba nom ve  je kpa u eren ave chaveragh Ka ilu ve kwagh u chuku, Yesebel mbangenegh num uya ase kpishi haa kera, Bem kera ngu ga angbianev tume Toho je za nyor ken uzaiyol kpishi er Ka profeti Eliya Nahan.

 

Hen shie u Eliya tume Toho ne va nyor ken mba mzeiyol, Ijen, Imura, mtswemnen. Mchiem gba Eliya yol je Tom Na u profeti kpa gba taver un. Nahan man a unde Sha uwo a awashima u nengen a Aondo ishigh a ishigh man zuan a Mmem ken Uma Na.

Sha kwagh henen u Eliya yo, Aondo Ka zege Aondo Shi mve Na kpaa una cieriyol u nengen.

Zegeahumbe va kar, kpa Ter lu ken ahumbe la ga., Usu hia, Ter lu ken usu la ga., Usu la ngu kar kera yo, anihuran u luee za va.

 

Ter va ken anihuran u luee ne, (Utor u hiihii 19:12)

Ken loho u dedoo u nyian, er Yesu Na ikpilaior kwaghyaan ve ya Kuma ve yo, akaa a MBAHENEN NAV er ve nyor ken tsor ve pev yande la. Angbianev, akaa a kpilighyol a Yesu Ka a er ne Ka u tesen se cii er alu or man Aondo yo. Ken mlu u or yo agba mnyam, yange yav Sha ityokyav. Ken mlu u Uma yo Ka we a tese ior mbangenegh Tom Nahan Ka u lu a m iv u ken Shima we awe shio kpa nena faityo u Eren a kaa kpishi Nahan Ka isaan we iyol, we a za ken zende je kpaa ishima I Tau kwe ga.

 

Uzaiyol asev ve nger, mba ve lu nan se mchiem man se lu lun a Mmem ga yo, er profeti Eliya yange zua a Mmem ga sha ishigh ki Yesebel Nahan Ka pe se mbangenegh kpaa se lu lun a Mmem ken u Uma asev je la. Se mbangenegh yo Ka ijen, ikyom, mba Keren Tom, akaa a mbaimev, uzaiyol ken avese, zaiyol u tsombor. Se mbangenegh yo se yem u henen er Shin Aondo undu se o?

Er Eliya yem Sha wo u za Keren ishigh ki Ter Nahan Ka pe se kpaa se lu Keen u nengen a Ter je la, se mbangenegh yo Ka ilu se u Keren uivande man man mbee u iangev fele fele, akaa er Ka heen man se kaa gudu gudu zendan Yemen.

 

Er yange Peteru nenge a Yesu lu zenden Sha kwav mnger ve tsue un ken ishima man pine ian Sha u vaan va kohol Yesu. Ka se tsue a iember ishima tsuung je kpa mba mzeiyol mba tar ve a va taan Sha avese yo man se hii u miren, Ka er Peteru yange too ashe Sha Yesu kera Nahan ve hii u miren ye, se kpaa Yesu Na se gbenda er se va hen ana, aluer se Na jighjigh ken ana yo mayange je kpa se mire ga. Se too ne Shie u zaan Sha wo za zuan ishigh a Yesu ken mlu u luee.

 

Se Na nen uzaiyol asev cii hen ana, er ayila Peteru er Ava Nahan se kpaa ngu yilan se hanma yange man hanma shie cii er se va hen ana. Se yina ne Shima ga, mbamtaver ve alu, akaa azaaniyol a alu kpa se za nen hemen u Keren ishi ki Yesu hanma Shie cii ken iti I KRISTU Tor wase Amen

Rev Fr Albert Torsar Bito CM

St kizitos Parish kuje Abuja Archdiocese

LAHADI U SHA PUETAANKARUNYIIN KEN SHIE U GBILINIGH INYOM I “A” (9/8/2020): FADA. ABERT BITO