Akaaoron: Ekesedu 22:21-27; Salm 18:2-3a.3bc-4.47&51ab (R.2); Mbateselonika u hiihii 1:5c-10; Mateu 22:34-40

ITINE LOHO: SOO ORNGENEGH ER IYOL YOUGH NAHAN.

Angbianev mba doom Mo Shima ken Yesu Kristu, msugh ne cii.

Nyian Eklesia u tseaghan u katoliko ngu eren missa I Sha IKYUNDU GBER KEN SHIE U GBILINIGH.

Nyian Eklesia ngu kaan a vese cii er mlu wase cii ngu kwagh mom, man ken mlumom ne, Se se lu ken dooshima. Man Ka Suma kwagh u ikyav tesen er se mbakristu jene.

Ken kwaghoron u hiihii

Ken takerada u Ekesodu la Aondo ta mba Iserai ichin Sha u eren a mbavanya dang dang, anchovorugh man Kase mba ikoson. A unbur ve er ve mba Iserai kpa yange ve lu mbavanya ken tar u igipiti yo.(Ekesodu 22:21-27).

Gba hange hange u ve a nenge mlu ve man ve a unbur zende ve shie u ve  undu tar ve la yo.

Mhoonon ma Aondo yange lu amin Sha Ave la Ka hange hange u MHÔÔNON man ma a kor ve a orngenegh kpaa hemban cii je yo ve mba I yina ve iyol yo. U tesen ishoon man dooshima hen angbianev. Er Mose kpaa wa ve kwagh er ve nenge ahuraior ne cii er Ka ior vev Nahan. (Lev.19:33-34).

Ken loho u dedoo ne, Yesu za hemen u Nan se Suma u atindi Sha iti imiom er … *DOOSHIMA* Yesu Kaa avese er, er mba Iserai kpaa yange i wa ve kwagh u tesen dooshima, soon Shi ngohol mbavanya Nahan, Ka pe se mbakristu kpaa I doo u se soo ayol ase man or u Nan wa ndor avese je ne. Man se mbangenegh yo Ayol ase je kpa se soo ga yo a er nena ve se soo or u Waan ndor avese?

De mpine ase yoo, Ka an Jin Nan lu or u Waan ndor amo? Shin Ka an Jin Nan lu orvanya? Aluer se or takerada u Yubu tsembelee yo se kav er se cii se lu mbavanya Shin tar ne yo. Akaa a se taan Ave vanger Shin se henen er se mba amin la cii Ka uiyua mba AONDO hen avese man se too kwagh môm tso kpaa ga shie u Ter Una yila se yo. (Yobu 2:10).

Orvanya u ilu oron se kwagh Shami nyian ne yo Ka or u Nan lu a isharen man ibanave er anchovorugh man Kasev mba ikoson Nahan. Hen tar wase u hegen ne Aondo Na angbianev mba ngenegh iveren mba zwa poo, kwagh mom kpa bam ve ga, Nahan Ka ve tese ikyav u faan a fa chuku tso ior mbangenegh yo kwagh bam ve je o. Shi Ka Ava son ve a son je kpa ve tuhwa, ve laha, ve zenda ve kera.

Orvanya kpor kpor je yo Ka or u Nan za mough ken tarikyongo Nan va Ava la ga, kpa Ka angbian u Nan lu a vese kuwa kuwa, kpa se kusu ashe se Venda u faan zaiyol Na Shi wasen un yo.

ORVESEN we AONDO nau ungwa Yan Maan vea tsombor wou Nahan u Shi umbur Wan u angbian u Ter Na akpe kera la je kpa? Gema di kwase chovugh u Ka we a va Sha ya ve Ave er Una va suur a suur la u hen we kwagh ban un gaa? Man gema di ityendezwa I yange u er Ana la u Kure I je kpa? Fa ken ishima we hanma kwagh u ulu amin cii Ka uiyua mba AONDO hen awe, anau akaa ne cii Sha er u er un Tom ken mbaibanave yo.

De waan iyol, Shin henen we alu ga yo mbavia man ve lu ityokyav ga ze. Aluer u Na or kwagh Sha iyolmaren Shin a ityuhanev Shami yo DOOSHIMA ngu hana. Shin u de we saa or Nan va soonou Sha u tuhwa tsombor u Nan cii ve u Na nan yo, *DOOSHIMA* Shi ngu je kpa?

Yange mnenge zegeor u ngenegh za maa zegeya Sha village ngesa ayough cica yem a akii Shin Geri, or mom kpa nan tsaan ker ga man kwase u angbian na ngu tsan ken iyou I mchimbi ura Ka unoon un.(Sha Mimi yo ior vihi asema ker) yange I ngenegh la yo ve va Sha ya man ve piir usu ga, NEPA va hiden  a usu man mnyim gba yuugh duen ken won, I nongo er avihi hunda kpa I faityo ga, Kape yan iyough hia tiliaa jela.

Angbianev mba doom Mo Shima ken Yesu Kristu, AONDO soo se Mimi je, orjighjigh Paulu aposol wa se kwagh kar er se se undu u chivir mbaaondo mbangenegh, se se chivir Aondo U A gba Sha man tar la.

SHIE u mlu orvanya u ngohol Mo hen ya wough. (Mt.25:35).  Se tese nen dooshima a ikighir shio, hii hen ya wough, angbian de kpanashe u eren. Kpanashe u Ka I Kunde gbodi hen ya wough kwase wou man mbayev ough cii ve ya, u vaa Cham we kwagh nga kpa we a duen Geri vea ahuraior ough u kaa we ibaver hanma or cii ikpa Sha vanger. U hen we u ngu bumen ana? Ka iyolyol.

Aondo Ter a na se cii Gratia u tesen dooshima hen hanma or cii. Amen

Rev. Fr. Albert Torsar Bito CM.

St Patrick’s Parish Taraku, Makurdi Diocese

LAHADI U SHA IKYUNDU GBER KEN SHIE U GBILINIGH INYOM I ‘A’ (25/10/2020)